NOTA DE PRENSA DE UNIDAD NACIONALISTA ASTURIANA

ORDENANZA LLIMPIEZA
Con respeutu a la nueva ordenanza de llimpieza que pretende aprobar el Ayuntamientu Carreño, y con respeutu al puntu más polémicu rellativu a la Llimpieza de la Vía Pública y a la posibilidá de dar de comer a los animales na cai, dende UNIDÁ NACIONALISTA ASTURIANA posicionaremos finalmente nel Plenu d'Ochobre (a esti plenu va llevase l'aprobación definitiva de la ordenanza), atendiendo a la llegalidá de la ordenanza municipal, y a si va en contra de la Ordenanza Asturiana de Tenencia, Protección y Derechos de los Animales.

(MODERADORA: Espero que lo leais bien y os decanteis por acabar con el atropello al que nos pretende someter el ayuntamiento).

ESCUELA MÚSICA. AMPLIAR CONSEYU ESCOLAR UNIDÁ NACIONALISTA ASTURIANA PIDE AMPLIAR LA COMPOSICIÓN DEL CONSEYU ESCOLAR DE LA ESCUELA MUNICIPAL DE MÚSICA, CON UN REPRESENTANTE POR CADA GRUPU POLÌTICU
La música ye un bien universal que fomenta les rellaciones humanes y el desarrollu personal. Cola creación de la ESCUELA MUNICIPAL DE MÚSICA "MIGUEL BARROSA", nel añu 1985, l'Ayuntamientu Carreño pretende satisfacer les inquietudes musicales de los ciudadanos y ciudadanes dende'l puntu de vista educativu y cultural.
La Escuela Municipal de Música recibe una aportación añal del Ayuntamientu Carreño, que pal añu 2008 ta alrodiu los 200.000 €. Tolos grupos políticos tienen que tener la oportunidá de fiscalizar esos fondos dende dientro, asina como participar, trabayar y tener un conocimientu más fonderu de los sos problemes na xestión, el furrulamientu y el desarrollu de la enseñanza musical.
Que tolos grupos políticos cuenten con un representante nel Conceyu Escolar facilitaría muncho esa llabor (anguaño, el Conseyu Escolar de la Escuela Música ta formáu pola Direutora, la Xefa d'Estudios, una representante municipal, tres representante de los padres y madres, cuatro representantes del Claustru, y un representante de los alumnos y alumnes).
Poro, UNIDÁ NACIONALISTA ASTURIANA presentó una moción que se llevará al Plenu del Ayuntamientu del mes d'Ochobre, na que pide ampliar la composición del Conseyu Escolar de la Escuela Municipal de Música "Miguel Barrosa", con un representante nomáu por caún de los grupos políticos municipales, asina como qu'esti alcuerdu se faiga efeutivu nel primer aconceyamientu que faigan dende l'aprobación d'esta moción.
Presumiblemente, y poles declaraciones del restu de grupos políticos, la moción va ser aprobada colos votos en contra de PSOE, quien a día de güei ye'l únicu grupu políticu que tien representación nesi conseyu escolar, y paez que tien mieu a permitir nueves representaciones y que'l restu grupos políticos conozcamos lo que pasa realmente dientru la Escuela Música.

Santi Artime.
UNIDÁ NACIONALISTA ASTURIANA
Candás-Carreño. Miercoles, 15 d'Ochobre de 2008