domingo, 1 de febrero de 2009

UNA denuncia públicamente’l robu de la SGAE a los Conceyos y a los vecinos/es

NOTA DE PRENSA

Dende UNIDÁ NACIONALISTA ASTURIANA, tenemos l’oxetivu d’acercar y aclarar el furrulamientu de la Casa Conceyu, facilitando la transparencia y denunciando aquello que nos paez inxusto. Poro, queremos informar a los vecinos y vecines del Conceyu Carreño de los pagos obligatorios fechos a la Sociedá Xeneral d’Autores y Editores (SGAE), una organización privada, y sin embargu amparada y beneficiada pola llei.
L’Ayuntamientu Carreño, y poro, los vecinos y vecines de Carreño, pagaron direutamente a la SGAE durante l’añu 2008 un total de 14.114 € en conceutu de Derechos d’Autor, que se correspuenden a:
- Fiestes de la Sardina (Orquestes): 2.497 €
- Fiestes del Cristu (Orquestes y Conciertu de Merche): 5.524 €
- Certamen de “La Mina y La Mar”: 549 €
- Teatru Prendes (Cine, Teatru y Música): 5.544 €
El pagu de 2008 ye asemeyáu a los que se faen tolo años, que tan alredor los 15.000 €. Además, nel añu 2005, l’Ayuntamientu fizo frente a les deudes pendientes de 2001 a 2004 que tenía SOFECA cola SGAE, que supusieron otros 15.000 €, y que fueron una de les razones de la desapaición de la Sociedá de Festeyos de Carreño (SOFECA).
Dende UNIDÁ NACIONALISTA ASTURIANA, rechazamos totalmente la obligatoriedá de facer estos pagos a la SGAE y la propia esistencia d’esta organización privada, que diz defender y velar polos intereses de los autores, y que sirve pal enriquecimientu d’unos pocos. Ye verdá que ye necesario velar polos derechos de los Autores, pero que seya l’autor quien direutamente decida la cuantía de la compensación y quien la reciba integramente, sin tener que pasar por intermediarios.
Además, y dende l’aprobación del Canon Dixital, impulsao pol PSOE y aprobao en 2008 dientro la Llei de Propiedá Intelectual, l’Ayuntamientu tendrá que pagar indireutamente por esi Canon, qu'incrementa'l preciu de decenes de productos informáticos, con un sobrecoste por exemplu del 45% por un discu duru, más del 40% por soportes dixitales (CDs y DVDs), el 32% por una impresora, o’l 15% por un escáner. L’Ayuntamientu Carreño (tan incluyíos los telecentros y aldees dixitales) dispón de 108 ordenadores, 48 impresores, 19 escaner, 18 videos/DVD, 8 Fotocopiadores y 3 Fax, además d’un númberu indeterminao de soportes dixitales (CDs y DVDs). Toos estos elementos son renovaos periódicamente pol Ayuntamientu, y dende l’aplicación d’esti Canon Dixital, tanto pa les alministraciones como pa los consumidores, sufrieron un aumentu de preciu significativu.
Esti ye un Canon creao pa facer frente a la piratería y a les copies illegales, que grava a los ciudadanos por ser sospechosos de facer copies, y obliga a la Casa Conceyu a pagar por una actividá que tien llegalmente prohibida. Ye tan ridículu como si Tráficu cobra un impuestu poles infraciones col coche que podamos facer nun futuru. Ye una llei qu’además tuvo un ampliu rechazu social, y que sin embargu foi aprobada en contra de la opinión de la mayoría de los ciudadanos y ciudadanes, y dende UNA esiximos la so derogación.

Por otru llau, el 22 de Xineru dende UNIDÁ NACIONALISTA ASTURIANA solicitamos al Equipu Gobiernu a avanzar na implantación del Software Llibre nos sistemes informáticos de la Casa Conceyu. A día de güei, cada ordenador que se compra lleva un recargo de 90€ pola instalación de Microsoft, en conceutu de llicencia. El Software Llibre ye totalmente gratis, además de non existir virus informáticos, y ye totalmente válidu pal usu domésticu y nes alministraciones. A día de güei, y con esti sistema, l’Ayuntamientu hubiera gastao 9.000 € menos pola compra de los 108 ordenadores.

Santi Artime
UNIDÁ NACIONALISTA ASTURIANA

2 comentarios:

  1. ESTOY TOTALMENTE DE ACUERDO CON EL PLANTEAMIENTO. NUNCA ENTENDERÉ ESO DE LOS DERECHOS DE AUTOR, PORQUE HACEN UN TRABAJO POR EL QUE COBRAN Y PUNTO. ¿QUE PASARIA SI TODOS LOS PROFESIONALES HICIERAN LO MISMO? QUE EL MEDICO QUE SALVA UNA VIDA, PRETENDIERA COBRAR UN CANON POR CADA DIA DE VIDA DEL PACIENTE, EL ARQUITECTO QUE HACE UNA GRAN OBRA, TENDRÍA QUE COBRARNOS CADA VEZ QUE ALGUIEN LA USE O MIRE, ETC. ¿POR QUÉ ALGUNOS PROFESIONALES SON DISTINTOS, COMPONEN UNA CANCIÓN Y COBRAN EL RESTO DE SU VIDA CADA VEZ QUE ALGUIEN LA ESCUCHA? NO ME PARECE JUSTO

    ResponderEliminar
  2. A mí me gustaría que demostrasen a qué autores representan, porque no creo yo que por ej. Steven Spilberg esté asociado en las Gae, ni que todos los autores y compositores estén en las Gae, porque ahora están surgiendo otras empresas que están representando a actores y autores, como por ejemplo Egeda, y no me imagino que mi idolo favorito "Mikel Jackson" esté en la Sgae, sé de un escritor que cuando se enteró de que estaban cobrando derechos de autor por su obra, les llamó y le dijeron que no podian facilitarle esos datos, que tenia que darse de alta con ellos para poder cobrar, parece ser, según ellos, que le estaban guardando el dinero, "Ke Morro". Ellos sí que son PIRATAS.

    ResponderEliminar

NO SE PUBLICARAN LOS COMENTARIOS QUE NO SE AJUSTEN A LAS NORMAS DEL BLOG.

Nota: solo los miembros de este blog pueden publicar comentarios.

.

.