jueves, 30 de abril de 2009

UNIDÁ NACIONALISTA PIDE AL EQUIPU GOBIERNU QUE NON CONVIERTA'l MANANTIAL DE L’ABLANAL NUN VERTEDERU

NOTA DE PRENSA DE UNA

UNIDÁ NACIONALISTA ASTURIANA vuelve pidir al equipu gobiernu del Ayuntamientu Carreño, esta vez públicamente, que lleve a cabo la llimpieza y rexeneración de la parcela onde se sitúa'l manantial de l’Ablanal, n'El Regueral.
Dende fai unos años, esti espaciu vien usándose por parte del Ayuntamientu como almacén y depósitu de materiales d’obra sobrantes (adoquines, tuberíes, etc) y d’elementos del mobiliariu urbano retiraos (faroles, xuegos infantiles, la escalera de vixilancia del socorrista, etc). A día de güei, presenta un aspeutu de total abandonu, y la imaxen qu'ofrez non ye xustificable de nenguna manera. Dende UNIDÁ NACIONALISTA ASTURIANA, entrugámonos ¿con qué llexitimidá va l’ayuntamientu requerir a un constructor o a un vecín que llimpie les sos parceles, si'l propiu ayuntamientu da esti exemplu?
Además, y dende fai unos años, ta en vigor un protocolu européu sobre calidá de les agües subterranies, nel que se fixen les condiciones que tienen que cumplir les captaciones d’agua potable. A traviés d’un conxuntu de recomendaciones, créense 3 perímetros de protección de los manantiales, de más a menos restrictivu según tea más cerca o más lloñe del pozu de captación, pa evitar posibles filtraciones y afecciones a la calidá del agua que puedan llevar a la contaminación d’estes agües subterranies. Fíxase un Perímetru de Protección Inmediata (Zona 1 alredor del pozo), nel que s'impidirá l’accesu públicu.. Fíxase un Perímetru de Protección Cercana (Zona 2 o de prevención), nel que se prohiben o llimiten actividaes como la construcción, industria, depósitu de materiales, etc. Y un Perímetru de Protección Allexada (zona 3 o esterior) nel que se restrinxen determinaos usos.
La quexa pola situación del Manantial de L’Ablanal ya fue trasladada al equipu gobiernu en Comisión de Mediu Ambiente fai más de 3 meses, sin qu’hasta agora surtiera efeutu nin s’adecentara la parcela y se retirasen los materiales allí depositaos, polo que facemos agora la quexa públicamente. Creemos además que la situación d’esta propiedá municipal ye un exemplu más de la dexadez del equipu gobiernu y del abandonu que sufren otres munches zones del conceyu.
Dende UNIDÁ NACIONALISTA ASTURIANA si nun plazu razonable non se soluciona esta situación y s’adecenta la parcela, verémonos obligaos a presentar la correspondiente denuncia na Conseyería de Mediu Ambiente, que podría finar cola orden de llimpieza acompañao d’una sanción económica. Esperamos non tener que llegar a la denuncia alministrativa, y que l’equipu gobiernu proceda a la llimpieza y adecentamientu de la parcela onde s’asitia'l Manantial de L’Ablanal.
Además, y teniendo en cuenta que la parcela tien una superficie de 8000 m2, y que la restricción d’accesu a la Zona 1 ye d’alrodiu de 20 metros alredor del pozu de captación, proponemos retirar el cierre perimetral actual de tola superficie propiedá del ayuntamientu, y colocalo onde diz la llei y onde ye necesario, ganando asina una superficie d’usu públicu d’unos 5000 m2. Proponemos tamién la creación d’una zona d’usu y esparcimientu públicu, cola rexeneración y consolidación de la vexetación esistente, la recuperación de la fonte L’Ablanal que brota nun estremu de la parcela, y la eliminación del bardial anexu al camín, que xenera problemes de visibilidá y riesgos nel tráficu.
Santi Artime.
UNIDÁ NACIONALISTA ASTURIANA
Las fotos explican perfectamente lo que proponen. Pincha en cada una de ellas para ampliarla.



1 comentario:

  1. SOY UN VECINO QUE LINDA CON DICHA PARCELA DEL AYUNTAMIENTO Y PUEDO ASEGURAR QUE ADEMAS DE TODO LO EXPUESTO HAY 12 GATOS 23 AGUARONES 6 RATAS Y OTRAS RAZAS DE ANIMALES QUE POLULAN POR EL MANANTOAL
    POR OTRA PARTE EL AYUNTAMIENTO PUSO LUZ EN LA PARTE IZQUIERDA DE LA CARRETERA OLVIDANDOSE DE LA DERECHA CON EL PARQUE INFANTIL INCLUIDO QUE ESTA EN LA MAS GRANDE OSCURIDAD DE LA CIUDAD

    ResponderEliminar

NO SE PUBLICARAN LOS COMENTARIOS QUE NO SE AJUSTEN A LAS NORMAS DEL BLOG.

Nota: solo los miembros de este blog pueden publicar comentarios.

.

.